ورقه و قلم
ورقه و قلم

Sunday, December 24, 2006

مداخله فى الطريق



فى الطريق كتير نضيع..كتير نضل
فى الطريق دروب صغيره بكل لون
اشى حذلوقى و اشى فحلوقى ..كله يهون
يهون عشان نقدر نعيش
فى الطريق صديق وحيد
هو انت..ايوه انت
قالتها مرايتك ليك فى يوم
ملكش غيرى يا ابن آدم
نفسك صديقك
أياك تخون
لتصير يا صاحبى بدون صديق
حتى نفسك!!!!!!
و هى عادتك و لا بتشتريها
هى فيك و انت فيها
قلت اجرب
قالتلك الدنيا قرب
قربت و كل ما تقرب تبعد البوابه فى بحر الزمان
تجرى تجرى
و انت يا مسكين اعياك اللهاث

فى الطريق حبيت كتير و كتير كرهت

فى الطريق كانت عينيك هى حكمك
مكنت تعرف ان البشر يتلونوا لكل عين
مكنت تعرف ان الخداع سهل و يسير

فى الطريق يوم قابلته
عشت احلم بيه ليالى طوال عراض
جريت عليه و كلى شوق قلتله فارس حياتى
بصلى و قال هو انا
عدى يوم و اش يكون اليوم فى عمر البشر
قلتله يلا نسافر
يلا نجاهد فى بلاد مش شفتها عنينا يوم
قالى نسافر؟؟!! كيف نسافر و انا بعت فرسى من زمن
قلتله و اش تساوى يا مسكين من دون الفرس
طب مدام بعت فرسك..ليه مخبى لسه وشك؟؟ ليه مبعتش الخوذه كمان؟؟
قلتلى خوذتى دى خوفى..بيها اهرب من ظروفى
بيها انت و اللى زيك بقولوا فارس
بيها اضحك على لسه ميعلموش
اللى لسه يوم يظنواان بالخوذه اكون من الفوارس

فى الطريق عيال كتييير
بين الزباله و الكهوف ضاعت دروبهم
نبص ليهم و نقول حرااام
كيف يقدروا يعيشوا الحياه
نقعد فى قعده معطره
و نقول القعده ليهم... عشان عنيهم..تدمع عنينا بالف دمعه و الف لون
يتقدم الشاى و الجاتوه
ناكل و نشرب
و فى النهايه تتفق سوسو و رىرى اننا لازم نغير لون شعورنا
نعمل اخضر و لا ازرق
حتى ننسى ما راينا فى الطريق
يا قلوبكم الرقيقه
يا عقولكم اللى ضاعت يوم بلاش
قلتوا ملنا و مال همومهم
بكره يجى اليوم تموتوا بإديكم
لما يكبر طفل ضايع بين خوف و جوع
لما فجأه يلاقى سكينه بإديه
راح يعمل ايه؟؟
راح يقتلك..ايوه انت..فاكر ايه!!؟
و تموت يا صاحبى بإيديك
بكره ده قريب كتير

عرفت يابن ادم ان الطريق كتيررر غريق

قلت آآآه
قطعت قلبك و قلبى
قلت آآآآه
قلتلك اسجد لربك
سجده وحده
سجده وحده يتولد النور فى دربك
قلت آآآه
ضليت كتير فى الطرق
ما كنت اعرف انه مكتوب عالجبين
ما كنت اعرف ان من طين اتخلقت و لطين راح ارجع تانى يوم
ما كنت اعرف ان سجده وحده بس تقدر تنورلى طريقى

Posted by big big girl...in a big big world :: 3:00 AM :: 1 comments:

إتفضل الورقه و القلم

---------------------------------------