ورقه و قلم
ورقه و قلم

Sunday, July 29, 2007

لو ترجع بينا السنين





أبكى فراقك و أنت الحضور......




كل يوم يمضى...يترك بداخلى ندبه جديده...سكين الحياه تحفر فى معالمنا



ربما لم أحيا حياتى كما ينبغى




لما لا اقول لك كم احبك؟؟ لما تحتبس كلماتى و تتحول لدموع؟؟


لو أستطيع أن أخفف عنك ألمك...لو أستطيع....ما كنت تركتك هناك للحظه



تختلط ذكرياتى المريره...فذكرياتى كألام الاسنان تنتظر دخول اى فيروس لقلبى لتنشط فى عملها تهتك جدران اعينى الدمعيه و تجتث اهاتى


......



هو القطار..أراه من الأفق...صوت صفيره فى أذنى...أرجوك دعنى أنا أصعد على متنه..إننى أضعف أن أتركك ترحل...أرجوك...أرجوك

Posted by big big girl...in a big big world :: 1:50 PM :: 2 comments:

إتفضل الورقه و القلم

---------------------------------------

Monday, July 23, 2007

A Whole New World





A Whole New World




[Aladdin:] I can show you the world



Shining, shimmering, splendid



Tell me, princess, now when did



You last let your heart decide?



I can open your eyes



Take you wonder by wonder



Over, sideways and under



On a magic carpet ride



A whole new world



A new fantastic point of view



No one to tell us no


Or where to go


Or say we're only dreaming




[Jasmine:] A whole new world


A dazzling place I never knew


But when I'm way up here


It's crystal clear


That now I'm in a whole new world with you



[Aladdin:] Now I'm in a whole new world with you



[Jasmine:] Unbelievable sights


Indescribable feeling


Soaring, tumbling, freewheeling


Through an endless diamond sky


A whole new world



[Aladdin:] Don't you dare close your eyes



[Jasmine:] A hundred thousand things to see



[Aladdin:] Hold your breath - it gets better



[Jasmine:] I'm like a shooting star


I've come so far


I can't go back to where I used to be



[Aladdin:] A whole new world



[Jasmine:] Every turn a surprise



[Aladdin:] With new horizons to pursue



[Jasmine:] Every moment red-letter



[Both:] I'll chase them anywhere


There's time to spare


Let me share this whole new world with you


A whole new world


That's where we'll be



[Aladdin:] A thrilling chase



[Jasmine:] A wondrous place



[Both:] For you and me

Posted by big big girl...in a big big world :: 2:45 AM :: 1 comments:

إتفضل الورقه و القلم

---------------------------------------

Saturday, July 14, 2007

أشيائى الخاصه 2

مجموعه من الاسئله " بيسموها تاج" بيبعتها حد لحد
احمد zordeak بعتهالى
مرسى لهديتك
:)
hope u the best in ur excamss

_____________________________

أحب شخص لقلبك فى الدنيا ؟

أحمد اخويا




انسان مستعد تضحي بحياتك – ركز فى كلمة حياتك - عشانه؟

تصدق بالله ان ناس كتير جداااااااااااااااااا جم فى بالى
ممكن مصر كلها
اظاهر ان الحياه مش اموره اوى
:)





انسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك ؟

اى حد كان سبب فى امتهان و ذل حد ملوش ذنب





ما هو
اسم أجمل كتاب كتبه بشر قرأته ومحتفظ به حتى الان؟انت متعلق بيه وبتقرأه كل فترة؟


الحقيقه انا بحب الزجل و الاشعار اكتر من اى شىء
فبالنسبه ليه صلاح جهين و مجموعاته العجبيه اجمل ما قرأت






اهم جهاز منزلى انت متعلق بيه او بتستخدمه كتير؟

الكومبيوتر ...للاسف كان نفسى يكون البوتجاز






شىء تحس بالراحة النفسية عندما تنظر اليه؟

أرض زراعي خضراء..فيها ساقيه..ماكنة ميه...مجموعه نخل او شجر فى وسط الارض...راجل طيب لابس جلبيه بيضه قاعد تحت الشجره...مفيش اروع من كده






مكان تحس فيه بالحنين الى شىء لا تدرى ماهو و ذكريات جارفة الى لاشىء؟

لا هو انا عارفه الحنين بيبقى لايه..شارع سوريا فى الاسكندريه





اجمل مدينة زرتها داخل مصر؟

مزرتش كتير بس الاحب الاسكندريه




أجمل مكان طبيعي رأيته داخل مصر؟

جزيرة الدهب





شخصية كارتونية بتحبها؟

دونالددددد دك بطوط بموت فيه






نوع هاتفك المحمول؟

نوكيا الاسود القديمم ده بس مش عارفه رقمه






سرعة بروسيسور جهازك؟

تصدق عيب
انا معرفش




حجم ذاكرة –هارد- جهازك؟
512 على ما اعتقد





المساحة التى تشغلها المواد الاسلامية على جهازك؟

طب استنى بقى اشفلك
9.75 G





نفس المساحة السالف ذكرها فى قلبك-الاجابة لنفسك عشان الرياء يا اخواننا-؟

اجاوب فى السر يعنى؟؟
هو على العموم القلب مش متقسم بالبايتس و لا البكسلز و لا الحركات دى

ادعى بس ربنا ان ربنا يثبت قلوبنا
نعصى و نتوب
الله هو ارحم الراحمين





أهم هدف انت واضعه لحياتك دلوئتى؟

ابقى باذن الله حاجه جامده فى شغلى ..و اقدر اوصل لنهاية حلم ابتديته





مواصفات فتاة الأحلام بالنسبة لك ؟

الحقيقه فتاة احلامى لازم تكون طويله و ذكيه و كده
:))





صف ما يأتى
شعورك لما بتسمع كلمة مصر ؟


و الله سعات و سعات
سعات بتنهد تنهيده بحسره و خوف
و سعات التنهيده بتبقى بحب و حنين





شعورك لما بتسمع كلام عن اليهود؟

كلام ايه بالظبط؟؟؟
هو اصله الكلام كتير
كلام عن الاعتداءات و كده
بقفل ودنى و مسمعش
لان انا بكره قلة الحيله و الكلام اللى لا بيودى و لا بيجيب
كلام ان فى ناس منهم لسه بنى ادمين و مش راضين باللى بيحصل ..صدقنى بصدق مهو جواهم بنى ادم زينا
ربنا يهدينا جميعا





شعورك لما بتشوف ظابط شرطة؟

يا عينى يا عينى ..زيا عينى على الولددد
اللى يستمد قوته من بدله يبقى فعلا يا عينى عليه
غلبانين اوى




لون البطانية اللى بتتغطى بيها فى الشتاء؟

اصفر





لون الجورب-الشراب- المفضل لديك؟

لون الشراب المفضل!! ممكن يبقى ازرق





احساسك اذا داست قدمك فى الطريق على مخلفات اخراج حيوان- *** ولا مؤاخذة-؟

لا و لا مؤاخذه ليه يعنى
عادى عادى
احساسى هيبقى يع شويه



افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

ربنا يباركله و يثبته
معلش السؤال ده هطول فيه يعنى
السؤال ده بقى من الاصل غلط
انا عايزه صاحب التاج الاصلى لو سمحت
البنى ادم مش بلبسه ابدا
و مش من حق حد انه يحكم على حد
لازم نتعلم نسيب الناس فى حالها
ربنا رب العباد هو اللى هيحسبنا فى الاخره
لو ضرورى نفكر اوىىى نبقى نقف قدام المرايا و نبص لنفسنا الاول





احساس يراودك فى اشارة مرور مغلقة بسبب مسئول كبير؟

غلبان برضه مش حاسس بالامان
و لو قفل عشرين اشاره و مشى وراه خمسين بدى جارد برضه مش هيحس




مين اكتر ست اشخاص بتحبهم ؟؟؟

عائلتى و هما اكتر من 6




هل أنت سعيد ؟
الحمد لله رب العالمين فى اوقات كتير بيكون الواحد مبسوط و يكاد يكون سعيد فيها
بس اقلك على حاجه اتعلمتها
السعاده شعور جماعى
يعنى هتحسه اوى لو مع تيم و انجزتم حاجه
هتحسوا اوى لو مع عائلتك
لكن لو لوحدك صدقنى هيبقى ميه فاتره




لو اجتمعت مع حسنى مبارك فى مكان واحد هتعمل ايه ؟
هتكلم معاه حبه كتير بس مش هقلك هقله ايه




لو معايا مليون ونص أعمل ايه ؟

مممم
هعمل حاجه صدقه جاريه باذن الله..
و بعدين ابتدى بيزنس بتاعى انا
شركتى الخاصه
مع اخويا و كام حد كده بيعجبنى دماغهم




بتحب مصر ؟
آه




أنت مسلم ؟

الحمد لله رب العالمين





ليه ؟

سؤال وجيه اوى
ممكن زمان الواحد كان مسلم علشان هو مسلم
بابا و ماما مسلمين
و انا بنتهم و كده
بس بقى لما تبتدى تدرك و تفهم
اول حاجه اختيار عبادة ربنا الواحد الاحد
قد ايه ربنا رحيم
قد ايه عطاياه اللى ادهلنا ميكفهاش صلوات سنين
نور السموات و الارض و بديعهم
فتختار انك تعبده و تعبده و تعبده و تشكره على كل شىء
و بعدين تختار من بين الاديان الاسلام
للحجه
و لعظمة رسول الله صلى الله عليه و سلم
و عظمة الصحابه
و عظمة القران
و عظمة الدين


مين أكتر شخصية متقدرش تستغنى عنها ؟

عائلتى كلها






ايه أكتر موقف محرج ؟
لا كتييييييير متعدش
اول لما تلاقي وشى احمر و ابتديت اكلم نفسى بغيظ كده اعرف ان انا احرجت على طوول



الأمنية اللى اتمنى تحقيقها ؟

ان الناس كلها فى كل الدنيا تبص جواها اوى و تشوف الخير اللى جواهم



التاج بقى يتمرر لمين ؟

لاحمد تانى علشان اغيظه

امرره لشيماء ميشو جيرل و عمر موروو احمد فتحى و كريم عمر و عمرو سلامه و كلمات و جهاد جين و يوتبيا

Posted by big big girl...in a big big world :: 8:32 AM :: 1 comments:

إتفضل الورقه و القلم

---------------------------------------