Wednesday, September 26, 2007
سلم خشب
سلم خشب.....أيوه أنا سلم خشبسلم خشب من غير إيدين..من غير لسان ..لكن بقلبقلب مداس لرجلين كتير عدت علياتدوس بقوه...تدوس بخفهرجل نضيفه و رجل تانيه ملانه طينميهمهومش ...منا سلم خشبقلب ملان بالمسامير.....كل ما أتعب....تشقيق فى جسمى....تزيق فى صوتى....يشوكشونىمسمار هنا و مسمار هناك....اتخرسعمرى فيوم مقلت ليه يا رب خلقتنى على هيئتىعمرى ما تمنيت قلب تانى...عمر تانى...جسم لحم و دم مش خشببس يوم ما جيتى تانى ليا...قعدتى على نفس السلمهيااااه لسه فكرانى أنا؟؟؟!!!شافت عنيكى سلم رخام...سلم حديد و سلم كهرباو نسيتى صحبك القديملسه إنتى هو إنتى بعيون بتلمع زى النجومبس مش شايله فأديكى ليه اللعب؟؟؟ فين العروسه و القطر فين؟؟؟يمكن جايه تستخبى زى عادتك بين سلالمىسمعت شهنفتك ..شفت دموع بتجرى من عيونكقاعده حضنه نفسك بنفسكضمه نفسك بين إيديكى...كل ما تزداد دموعك تضمى أكتروجعك كبيروجعك وجعنىنازله دموعك مسامير فى جسمىلو بس كان ليا إيدين...كنت أضمك ليا ..أحميكى من كل شىءلو بس كان ليا لسان...كنت أقلك بكره أحلى من النهارده...اقلك إنى جمبك ..إنى أمنك...أقلك متخفيش
بس إزاى ينطق فيوم اللى من غير لسان إتولدإزاى أضمك من غير إدينإزاى أقلك متخفيشإزاى و أنا سلم خشب*************************************************************************************
الصوره من عند كريم
Posted by big big girl...in a big big world ::
11:04 AM ::
11 comments:
إتفضل الورقه و القلم
---------------------------------------
Tuesday, September 4, 2007
تاج للاصدقاء
ممم حبة اسئله حبيت ان انا اسئلها ليكم
لو قالولك اختار عصر من عصور مصر علشان تعيش فيه ...تختار اى عصر و فى عهد اى حاكم ؟؟اشمعنى العصر ده؟؟
اول اولويه فى حياتك...عيلتك ...شغلك و لا اصحابك؟؟؟
ايه اكتر حاجه بتحبها فى رمضان؟؟؟؟
اوصف ليا اجمل فطار ممكن تفطره...
لو انت حاكم على مجموعه من الافراد هتكون عادل؟؟؟ طب هتعمل ايه علشان تتاكد انك حاكم عادل؟؟؟
اللى بيبوظ الحكام ...نفسهم و لا الشعب و لا الحاشيه المقربه؟؟؟
مين اكتر اعلامى مصرى بتحترمه؟؟؟
قريت ديوان عمر مصطفى صاحب بلوج تجربه " اسباب وجيهه للفرح" عن دار ملامح و لا لسه؟؟لو اه ايه رايك فيه؟؟
لو ممكن تشتغل شغلانه تانيه غير اللى انت بتشتغلها او هتشتغلها كنت تتمنى تبقى ايه؟؟؟
تانى بلد تتمنى تعيش فيه بعد مصر ايه؟؟؟
اوصف ليا ترتيبات اجمل فرح ممكن تحضره ....
بتراعى كلام الناس و القيل و القال؟؟؟ لو اه او لو لا قلى ليه؟؟؟
صحيت ملقتش الموبايل و لا الكومبيوتر و لا الكاميرا الديجتال و لقيتنا رجعنا لعصر الحمام الزاجل و الحصنه هتكون سعيد؟؟؟
السعاده هى.....؟
عندك امل؟؟؟ اسبابك؟؟؟
لما بتحب تهرب من كل شىء بتروح فين؟؟؟؟
امتى اول مره خدت فيها نفس طويل كده و قلت بينك و بين نفسك " ياااه اظاهر ان انا فعلا كبرت" ؟
لما بتعمل عمل خيرى بيكون ايه هو دافعك الاول؟؟؟
بتشرب سجائر؟؟؟ لو الاجابه اه ايه شعورك لو شفت ست بتشرب سجاير؟؟؟ ليه؟؟؟
بتعرف ايدك اليمين من الشمال ازاى؟؟؟؟
ايه اكتر آله موسيقيه بتحبها؟؟
فى رايك ليه الذوق و النخوه انعدموا؟؟؟؟
ايه الحاجه اللى لو حصلتلك تبقى سعيد اوى؟؟؟
تختار يبقى عندك...ارض زراعيه و لا اجنس عربيات و لا كام عماره و لا فلوس فى البنك؟؟؟؟
البحر و لا النيل؟؟؟
مركب و لا طياره؟؟؟
مجنون و لا عاقل؟؟
تقرى كتاب و لا تتفرج عليه فيلم؟؟؟
بتمرر التاج لمين؟؟؟
__________________________________________________________________________
انا بقى ببعت التاج ده ل
جنه"كريستالتى".....كريم عمر.....المتكاظين واحد واحد و اصحاب البلوجات المنفرده منهم "عمر استوديو" "احمد مع نفسه" "جين جهاد" ....كلمات...عمر مصطفى......علاء الدين الفروه الذهبيه....محمد الهنداوى يا مسافر وحدك....محمود عزت ...خالد عبد القادر...
Posted by big big girl...in a big big world ::
11:47 AM ::
5 comments:
إتفضل الورقه و القلم
---------------------------------------
Name::big big girl...in a big big world
