ضحكه رنانه شقيه ملانه شجن قلب عمره لسه ورور بس ملان بالحنان هو قلبك...قلبك انتى يا حنان
إفتكرتك يلى ما فى يوم نسيتك إفتكرتك و إفتكرت لعبنا فى بوبتنا إفتكرتك و إفتكرت كمان غناكى كيف ليالى لالى صوتك يليل يا عين
عشتى حلم يا حنان جميل قصير حلمك ابيض فى بياض قلبك يا نونه
إفتكرتك يا حنان و إفتكرت كم بكيتك إفتكرت مكالمه لينا يومها قلتيلى تعالى ليه يا صاحبة الطفوله معدت اشوفك؟؟ ليه بعدتى عنى ليه؟؟خايفه منى؟؟و لا خايفه ملى اقوى مننا خايفه من مرضى انا ؟؟و لا من مرض الحياه؟؟ خايفه ليه؟؟ قلتلك انى بحبك قلتلك ديما فى بالى و فى صلاتى دعائى ليكى قلتلك بكره أجى عشان ازورك و إفتكرت كمان معاكى يوم ميلادك فاكره صورتك يا شقيه؟؟ عندى اهيه قلتى اه و ضحكتى ضحكه خفت من آهك لتكون آهة الم إفتكرتك يا حبيبه يا قريبه و اتفقنا ان بكره يوم لقانا
بكره جه بس جه بكره لوحده ما كنتى فيه رن جرس الباب اهوه..قالوا ماتت ما قدرت افهم كيف يكون الموت لزهره لسه ورور قلت لا بينا معاد هى قالتلى اللقا بكره خلاص كدابين يلى قلتوا هى ماتت و اش يريد الموت من ست البنات عمر لسه كتير قصدها حب لسه راح تعيشه لسه فستان الفرح و الطرحه بيض لسه مالبستهم حتى يقدموا
قلتوا رب الكون أراد و اش نكون احنا حتى نعترض قالتلى شيخه أستغفرى يا مؤمنه ربك و ربى عايزها من حور الجنان
لبسنا اسود و غطينا العنين لسه فاكره شكل نعشك لسه فاكراه منستوش كنت عايزه يومها اصرخ كنت عايزه حجات كتير بس مقدرتش عليها كنت عايزه اجى ازورك يا حنان بس ما شاء القدر انه يتم
بس كنتى انتى اكرم يوم ما جيتى فى حلمى ليا يومها تمينا الزياره يومها ما اخلفت وعدك
يا حنان كبرت يوم و اليوم يا حبيبه صار يشيب فى عمرنا فهمت انك فى العلالى فهمت ان ضحكتك صارت تلالى فهمت انك سعيده يا ست البنات فهمت ان يوم فراقك للحياه كان يوم ميلادك فهمت اننا ممكن نقول على حد ميت و الحقيقه ان احنا الموت ملينا
Name::big big girl...in a big big world
