ورقه و قلم
ورقه و قلم

Tuesday, May 15, 2007

إحكى يا مرايتى






مرايتى يا مرايتى

تعالى إحكيلى الحكايه

حكاية عمر منى عدى..و حكاية عمر ليا لسه جاى


قليلى........ هكون فيوم سعيده؟؟

هموت صغيره؟؟


و لا أقلك...

قليلى قبل كل كده

أنا أبقى مين؟؟؟




إعكسيلى صورتى فيكى

عرفينى شكل نفسى يبقى إيه



إوصفينى يا مرايتى متخفيش

مش هكسر يوم إزازك... حتى لو قلتيلى إيه



قولى إنى ضعيفه ...قولى إنى كتير بخاف

قولى إنى عنيده و طالعه فيها

قولى إنى برغم سنى لسه طفله

قولى إن جنانى فاق كل الحدود

قولى إنى مش فاهمه الحياه

قولى يا مرايتى كل شىء





أنا أصلى عارفه كل ده

كل صفات الدنيا فيا

كل لون من ألوان الطبيعه رسم جوايا صوره

فبقى جوايا الشىء و ضده



إحكيلى عنى

و قليلى ليه

ليه بكره الأحزان ...و أعشق الألوان

ليه نفسى أجرى و أنا فاتحه إديا للحياه

ليه نفسى أخد الدنيا فحضنى


ليه لما تيجى ساعة العصارى ألاقى عينى دمعت من غير سبب

ليه بحب الزرع الأخضر...و أعشق ريحة طينة بلادى

الف ليه عايزه إيجابه



قولى يا مرايتى يللى عارفه عنى تفاصيلى الدقيقه

قليلى ليه

يمكن أفهمنى فيوم


يمكن أعرف إزاى أكون بنت عاقله

إزاى أكون قويه صامده

إزاى فيوم محتجش حد

إزاى أحس بالأمان


ريحينى يا مرايتى و قولى ليه.......







_______________________________

الصوره من عند كريم
http://santakarim.blogspot.com/








Posted by big big girl...in a big big world :: 6:25 AM :: 13 comments:

إتفضل الورقه و القلم

---------------------------------------