Saturday, April 14, 2007
شاعر مجنون
![](https://blogger.googleusercontent.com/img/b/R29vZ2xl/AVvXsEggbY6WXzdZKLHsLtKSK2e3aTM1zEQVp4MJw5c_t__RbGi5OW_A0gJjCGJUyOGQBXhdM66u6b1ZudKqDTgxIJFgioIb5KoMukg8Ffj40N0iiMIFgxINVKNyCR-AyqUN4ogevHyQKw0B9dBd/s320/swad%2520little%2520copy.jpg)
شاعر مجنون...و الفن جنون
وحدانى حزين..و لفين يا طريق هتاخدنى لفين
شاعر بياع
بياع لكلام
فارش دواوينى و أشعارى على نصية حاره
و يمر الناس...
يقلبوا فيهم ...و يقلبوا فيى
و بكام دى يا عم؟؟؟ و كلام و فصال
حتى الأشعار بنفاصل فيها!!!!!!!!!
شاعر ترذى
بيجيلى زبون يوصف ليه شكل حبيبته
رسم عنيها و رقة صوتها
بكتب فى البنت الأشعار
يخدها الواد لحبيبته ..يتغزل فيها بكلامى و بإحساسى مش إحساسه
و فى آخر اليوم الاقينى لا انا حبيت و لا الواد حس
شاعر بالخوف...شاعر بالظلم
شاعر بالتوهه و كبر العمر
شاعر بألم
و فإيدى قلم
شاعر و بدارى ألمى بقلمى
برسم ضحكه على وش حزين
بقطف ورده
الاقى ورقها ورق مصبوغ بالحبر
و الحبر دموع بكاها فيوم قلمى الموجوع
شاعر جوايا الابيض و الاسود
شاعر بالشىء و بضده
ملح و سكر ...كره و حب...شر و خير
شاعر بطعم الدم فى حلقى
و الدم ده من الموت اللى ساكنى و لا الحياه اللى ساكنها منا عارف
شاعر بالدنيا كبيره عليا و تايه فيها
شاعر و راح احلف منا شاعر يا دنيا بشىء
كفايانى هموم..كفايانى مشاعر
و احلف و احلف
و ارجع شاعر
و شاعر مجنون
**__**__**__**__**__**__**__
الصوره من اعمال كريم عمر
http://santakarim.blogspot.com/
شاعر مجنون هى اهداء للشاعر خالد عبدالقادر
فلتعد لنا سريعا
Posted by big big girl...in a big big world ::
10:51 AM ::
4 comments:
![](https://resources.blogblog.com/img/icon18_email.gif)
إتفضل الورقه و القلم
---------------------------------------