Friday, February 23, 2007
يوم الولاده
فاكره يا فرحة حياتى يوم لؤانه؟؟
قلتها و مسكيت ايدى بين ايدك
قلتها و عنيك زى عادتك مليها حب جمب خوف
خوف عليا ميللى جاى
قلتلى اتكلمى ما تسكتى
قلتلى انا عارف ان الم اليوم كبير
قليلى بس ازاى يا عمرى ممكن اشيل كل الالام
انتى عارفه ان حبى ليكى اقوى من الكلام
انتى عارفه مش كده؟؟ اتكلمى يا احلى عمر عدى و احلى عمر لسه جاى
قلتلك ايوه الم اليوم كبير..بس حبك اقوى من كل الالام
حضن ايدك لإيديا هو امنى
هو اللى ديما كان يهون كل شىء..كان قوتى من زمان
جدتى كانت قالتلى زمان فيوم
عايزه تعرفى انتى و جوزك حب مين فيكوا اكتر
يبقى يا نور عيونى استنى ميلاد اول ولد
الولد راح يطلع شبه اللى حبه فيكوا اكتر
و انا نفسى ابنى يطلع شبه حبى الكبير
لا مش عشان اقول ان حبى ليك يا حبى اكبر
لا عشان انت تستاهل تتحب اكتر
يا احلى بسمه نورت فيوم حياتى
يا حب عمرى و احلى ايامه اللى عدت و اللى لسه يوم هتيجى
فاكره آه يوم لقانه..بس مش فاكره المعاد
مش هتفرق الايام فشىء..المهم إنا اتلاقينا
من يوميها و انت ساكن جوه قلبى
كل مغمض عنيا التقيك
كل ما توحشنى تبقى جمبى
كل شىء حواليا بيفكرنى بيك
كنت يومها انت انت
نفس خوفك ..نفس حبك اللى طالل من عنيك
بس يومها كان خوفك كبير
كان ملجم فعيونك كل حبك
كنت خايف زى منتا برضه عليا
و انتى كان حبك كبير ..قلتلى
حبك هد جوه قلبى كل سور
حبك فتح كل البواب اللى وقفت يوم مبنا
قلتلك مملكشى شىء الا عقلى
قلتلك خايف فيوم تكرهينى لظروفى
انا اكرهك؟؟؟؟ انا قلتلك
هو انت حد فالحياه يقدر يقاوم حبه ليك
انا اكرهك؟؟
هو ممكن حد يكره بسمه بتنور حياته
هو ممكن حد يكره قلب طيبته زى قلبك
هو ممكن حد يكره ابنه و حبيبه و صاحبه
و ابتدينا رحلة حياه مع بعضنا
رحله اجمل ملخيال
مش هقلك رحلتنا كانت كلها لحظات سعاده
مش هقلك مكنش فيها حجات تخوف
بس اقلك ان كان يكفينى ديما نظره واحده من عنيك..ضحكه واحده من شفايفك..لمسه واحده من ايديك
كان يكفينى انت عشان احس بالامان
عشان يتنزع من قلبى خوفى و يتملى قوه و ايمان
حبك انت يا حب عمرى كان قوتى
و تقلى اكرهك
قلى قبل ما اكرهك ازاى اشيل كل دمايا من عروقى
ازاى افلتر كل الخلايا
يمكن فيوم اقدر افصل خلايا حبك من دمايا
يمكن فيوم
Posted by big big girl...in a big big world ::
9:26 AM ::
9 comments:
إتفضل الورقه و القلم
---------------------------------------
Name::big big girl...in a big big world
