أخاف أقول ... أسكت و أدارى
تمر ثانيه...دقيقه...ساعه
يعدى يوم
و أنا لسه خايفه
_________________________________
يا مصوراتى صورنى صوره
أحطها فألبوم حياتى
وحياة أبوك بلاش رتوش
عايزانى مره واحده بس أعرف مين أنا
_____________________________
أنت و أنا حدوته حلوه من غير نهايه
متجيش و تعتب عليا أنا و تقول الحب فين و السنين؟؟
كل شىء فى مكانه هو هو
بس يا خسارتى و خسارتك مش فهمنا من زمان إن حدوتنا راحت و لا جت هى حكايه
_________________________________________
من كام سنه هربت روحى منى
لفيت عليها فكل شارع و كل حاره ملهاش وجود
يلى فيوم راح تلقوا روحى...قلولها ترجع
فلولها انى اسفه...انى خايفه...انى من غيرها مش هكون
____________________________________________
إتولدت بقلب فاضى لونه وردى
دلوقتى قلبى كله كراكيب...لونه رمادى
قلبى إتملى و الحياه لسه بتمشى
يا جراحين الحياه ركبولى قلب تانى لسه ورور
قلب لسه متملاش...قلب لسه عنده رغبه فالحياه
________________________________________
زمنا شرق برق...فرق ورق
لعبه لطيفه الكل فيها مالمغلوبين
مش تفتكر روحك بطل...مش يعجبك عقلك اوى
لو كان فى فرصه الزمن يتغلب..كان جد جدك اللى فى التراب لسه عايش
________________________________________________________________
تمر الله أكبر عل ودان كل سعتين او تلاته
تقول الله أكبر ...منى و منك
الله أكبر م إللى مالى قلبى و قلبك
الله أكبر كفياك ظلم لنفسك
الله أكبر بطل غرور ..نكس الجبه فالركوع و السجود
إدعى أبكى ..قول يا رب
م الله أكبر
********************************
الصوره من أعمال محمد كمال
Name::big big girl...in a big big world
