ورقه و قلم

حد عادى

آه لو أقدر

آه لو أقدر ...كنت أطير..كنت أرفرف فوق لبعيد

أيوه بعيد...

أصلى تعبت من قولة كله تمام...كله جميل

عايزه أقول الحق

أقول إنى تعبت

إنى خلاص فاض بيا الكيل

آه بتشاهد قبل منام

آه بتمنى نهايه قريبه

ايوه ضعيفه..

و مش مكسوفه من ضعف القلب و ضعف الجسم

ايوه بقلها بكل صراحه

انى بحبك بس خلاص القلب تعب و العقل أتجن

قولولى بس إزاى تصير القوه ضعف

بتقولوا سنة الحياه

مين قالوكم انى فاهمه الحياه

بتقولوا إرضى بالقدر

حاولت أرضى بس كل يوم بيعدى بنكسر

عارف

حاولت كمان مش احبك

مش هقول اكرهك

اصل مقدرش عليها

بس انى اكون مش بحبك يمكن اقدر أفصل بين ألمك و ألمى

يمكن أقدر مبكيش كل ما شوفك حيران و تايه

عايزاك بس تكون عندى حد عادى

حد زى كل الناس

حد مش بيكون أول ما بيجى فى بالى لما أفتح عيونى... و أخر ما بيجى لما أقفلهم و أنام

قلت أنشغل عنك بشىء..اى شىء

قلت أبعد أكتر و أكتر

قعدت مع نفسى قاعده طويله أفتكر

قلت أجمع من سنين عمرى الايام اللى زعلت فيها منك

قلت افتكر كل الاوقات اللى كنت فيها عندى حد عادى

بس عارف

طلعت من القعده بدموع كتير

تخيل ما عرفتش افتكر مره واحده زعلت منك

كل اللى افتكرته حنيتك..حضنك و طيبتك

و عرفت ان لما تبقى جوه دمى لايمكن تكون يوم حد عادى

___________________________________________________

الصوره من عند كريم

Posted by big big girl...in a big big world :: 1:58 PM :: 2 comments:

---------------------------------------