ورقه و قلم

عيد الميلاد

عدت سنه....و أيه الجديد

مهو كل سنه بتعدى سنه و أحنا لسه زى محنا

نفس خوفنا...نفس شوقنا...نفس لخبطت الكيان

كل سنه أقول اللى جايه هتبقى غير

فى اللى جايه هحقق كل شىء

اللى جايه هبقى أسعد...هبقى أعقل...حتى يمكن أبقى أطول

تيجى اللى جايه ألاقى الحزن زاد...العقل خف...الطول مزدش و لا إنش

طول عمرى بكره أعياد الميلاد

مش عارفه أيه يخلى الناس تحتفل إن عدى من عمرهم سنه

نحتفل بعيد الميلاد و نعمل حداد فى الممات ...ماللى مات إستريح..المشكله فى اللى لسه راح يعيش

فاضل سنه و أبقى فى الدنيا بقالى ربع قرن

ربع قرن عدى فدقيقه محستوش

ممكن أقدم إلتماس يرجعولى سنين حياتى

أوعدكم بشده هعشها أحسن...مش هضيع منها ثانيه

فجأه لقيتنى تنحت للدنيا على رأى سلامه

و لقيتنى بضحك و أقول فيها إيه

مش راح يوقف الحزن الوقت إنه يعدى

مش راح ترجع الدموع الأيام ورا

يبقى أضحك و أضحك و أضحك

أضرب الفكر و الهموم و اللى كان و اللى ممكن يوم يكون...صرمه قديمه

_____________________________________________

الصوره من أعمال هشام رحمه

Posted by big big girl...in a big big world :: 5:29 AM :: 0 comments:

---------------------------------------